لاتمااااادى بالخطا وتقول من باب الميانه

لاتمادى بالخطا وتقول من باب الميانه
ماختلفنا هي ميانه بس ماهي كل حين

كان قصدك بالتمادي ودك اذوق الاهانه
والله لو تبطي وتبطي ماخضع لك جبين

وكانك تدور سبب..للمفارق والخيانه
ابتعد عني ولاني ناشدك رايح لـ وين

من يبي فرقاي في حفظ الكريم وفي أمانه
مالتفت له لو يصد له ايام وشهور وسنين

وانت لو قصدك كذا فارحل ترى مالك مكانه
صد عني وانتبه لاعاد ترجع لو تلين

رد قلبي يوم قلبك ماحفظ وصان الامانه
بادلك بالحب لكن مالقى قلبن يعين

رد قلبي دام قلبك ماعطاني من حنانه
ماعرفت تصون حبي ولاعرفت تحب زين

لاتظن قلبي عقب ماخنت به ماله مكانه
والله أنك لاجرحته وماشكى جور السنين

ولاتظن حالي عقب فرقاك يرثي في زمانه
ماشكيت الحال ولا بيحت سدي والكنين

لاتحسب اني بدونك عيشتي عيشه مهانه
والله إني ماحسبت حساب شوق ولاحنين

انا اخوي ليا من صد خليته في شانه
كيف عاد الي مايربطني معه حبلن متين

عشت في وقتي عزيزة نفس ماعرف الليانه
شامخن مايرتخي راسي ولايمكن يلين

من شراني اشتريته وصنت عهده والامانه
عادتي ماخون عهد الحب وماخون اليمين

ومن يبي فرقاي في حفظ الكريم وفي أمانه
مالتفت له لو يصد له ايام وشهور وسنين

وانتبه لاتخطي علي وتعتذر لي بالميانه
ماختلفنا هي ميانه بس ماهي كل حين

مشكوووووره على الموضووووع الاكثر من رووووعه تقبلي مرووووري

مشكوووووووره من جد روووووعه

نورتو صفحتي بتواجدكم اشكركم على مروركم الذي يدفعني للجديد

مشكورة اكتير يسلموووووووووو
على الموضع الي اكتر من روعــــــــــــــة
تحياتي لا الك

يسلمووووووووو

انجـــــــــــــــــل

يسلمو انجــــــــــــــــل يعطيك العافيه